باڵیۆزی ئەڵمان لە ئێران رایگەیاند کە فڕۆکەی هەڵگری یارمەتیی مرۆڤدۆستانەی ئەم وڵاتە گەیشتۆتە ئێران.

بە پێی راپۆرتی ئیرنا؛ "میشاییل کلۆر- بێرشتولد" باڵیۆزی ئەڵمان لە ئێران لە پەیامێکدا لە ئێکانتی تویتەریی خۆیدا نووسی: فڕۆکەی چارتێری هەڵگری یارمەتیی مرۆڤدۆستانەی ئەڵمان بۆ لێقەوماوانی لافاو لە ئێران کە لە بەرلین بار درابوو، لە فڕۆکەخانەی تاران نیشتەوە.

بێرشتولد وتیشی: ڕێکخراوی خاچی سووری ئەڵمان ٤٠ بەلەم و کەرەستەی ئیمێنی دەدات بە ڕێکخراوی هەیڤی سووریی ئێران.

بارینی بارانێکی توند و کەم وێنە لە دوو هەفتەی ئەمدواییەدا لە ناوچە جۆربەجۆرەکانی ئێران لەوان باکوور، ڕۆژاوا و باشوور، بۆتە هۆی تەقینی چۆم و ڕووبارەکان و هەستانەوەی لافا و هەروەها زەبر و زیانێکی یەکجار زۆری دراوی و گیانیشی لێکەوتۆتەوە.