سەرۆکی کۆماری ئیسلامیی ئێران لە پەیامێکدا وێڕای پیرۆزبایی بەبۆنەی هاتنی ساڵی نوێی زایینی لە سەرۆکانی وڵاتان، هیوای خواست: لەساڵی تازەدا، ڕێبەرانی جیهان ساڵێکی هێمن و تژی لە میهرەبانی بۆ هەموو مرۆڤەکان بەدی بێنن.

لە پەیامی حەسەنی ڕۆحانیدا هاتووە: لەساڵی داهاتوودا، ڕێبەرانی جیهان بەهەوڵی هاوبەش و بەدوور لە یەکلایەنخوازی و دەکارگرتنی ئەندێشەو کردەوەی داڕێژراو لەسەر بنەمای دادگەریی و ئازادەیی، ساڵێکی تژی لە هێمنی و میهرەبانی بۆ هەموو مرۆڤەکان بەدی بێنن و بەزاڵبوون بەسەر کەندو کۆسپ وکێشەکانی بەردەم مرۆڤ، ژیانێکی ئاوێتەی ئاشتەوایی وئاسایش و ئاسودەیی بۆ گەلەکانیان بکەن بەدیاری.

سەرۆکی کۆماری ئیسلامیی ئێران، ساڵێکی تژی لە بەختەوەری و فراژۆیی بۆ خەڵکی جیهان بەئاوات خواست.