سپای پاسداران شەهیدبوونی سەردار سلێمانی پشتڕاستکردەوە
سپای پاسدارانی شۆڕشی ئیسلامیی بەدەرکردنی ئاگادارریەک هەواڵی شەهیدبوونی سەرداری سەرلەشکەر قاسم سلێمانی فەرماندەی هێزی قودسی سپای پاسدارانی شۆڕشی ئیسلامیی پشتڕاستکردەوە .
حاجی قاسم سلێمانی فەرماندەی ماندوویی نەناسی بەرەکانی شەڕی حەق لە دژی ناحەق سەرلەبەیانیی ئەمڕۆ لە پەلامار فڕۆکەی بێفڕۆکەوانی ئەمریکی بۆسەر ئۆتۆمبێلی هەڵگری ئەو لە دوربەری فڕۆکەخانەی بەغدا ، شەهیدبوو.
سپای پاسداران لە ئاگاداریەکەیدا نوسیویەتی : سەرداری سەرفرازی ئیسلام حاجی قاسم سلێمانی دوای تەمەنێک هەوڵ و کۆشش سەرلەبەیانی ئەمڕۆ لە پەلاماری فڕۆکە ئەمریکیەکاندا شەهید بوو .
لە پەلاماری کۆپتەرە ئەمریکیەکاندا بۆسەر ئۆتۆمبێلێک لە بەغدا سەرلەشکەر قاسم سلێمانی و ئەبوومەهدی موهەندیس شەهید بوون .
میدیا عیراقیەکان بە گێڕانەوە لە کاربەدەستانی فەرمیی ئەو وڵاتە رایانگەیاند سەردار سلێمانی و ئەبووموهەندیس کە بە دوو ئوتۆمبێل لە فڕۆکەخانەی بەغدا دەرکەوتن ، پێکران و هەردووکیان شەهیدبون .
دەگوترێ سەردار سلێمانی لە لوبنانەوە چووەتە فڕۆکەخانەی نێودەوڵەتیی بەغدا .
سەرچاوە مدیاییەکانی عێراق دەڵێن مارێنزە ئەمریکیەکان هەردوو ئۆتۆمبێلەکەیان پێکاوە .
هەواڵی شەهیدبوونی سەردار سلێمانی ئێستا لە سەرووی دەنگوباسەکانی عێراق و ناوچەکە و جیهان دایە .
وەزاڕەتی بەرگری ئەمریکا رۆژی هەینی لە بارەی پەلاماری سەر کاروانی سەردار حاجی قاسم سلێمانی ، فەرماندەی هێزی قودسی سپای پاسدارانی شۆڕشی ئیسلامیی بەیاننامەیکی دەرکرد .
لەم بەیاینامەیەدا هاتووە : ئەرتەشی ئەمریکا بە فەرمانی سەرۆک کۆمار بە کوشتنی قاسم سلێمانی فەرماندەی هێزی قودسی سپای پاسداران هەنگاوێکی بەرگریانەی بەبڕشتانەی بۆ پاراستنی لە هێزە ئەمرییەکان لە دەرەوەی وڵات ئەنجامداوە .
