ترۆری حاج قاسم دڕندەکاری دژبە مرۆڤایەتی و پێشێلکرانی پەیمانە جیهانییەکان بوو
سەرۆکی دەزگەی دادەڤانی بەئاماژە بەوەی کە سەرداری شەهید حاج قاسم سولەیمانی هێمای داکۆکی لە مەزلومان و بەرەنگاربوونەوەی تیرۆریزم لە جیهاندایە، تیرۆری سەردار سولەیمانی بە دڕندەکاری دژبە مرۆڤایەتی و پێشێلکرانی پەیمانە جیهانییەکان لەلایەن ئەمریکاوە زانی و پێی داگرت، خۆشەویستیی شەهید سولەیمانی، توڕەیەکی پیرۆز دژبە ئەمریکاو هەموو ملهوڕان دروست دەکا.
سەرۆکی دەزگەی دادەوانی بەئاماژە بەوەی کە سەرداری شەهید حاج قاسم سولەیمانی سەمبولی داکۆکی لە ستەملێراوان و بەرەنگاربوونەوەی ترۆریزم لەجیهاندایە، ترۆری سەردار سولەیمانی بەتاوان لەدژ مرۆڤایەتی و پێشێلکرانی پەیمانە نێودەوڵەتییەکان لەلایەن ئەمریکاوە زانی و پێی داگرت؛ خۆشەویستیی شەهید سولەیمانی، توڕەیەکی پیرۆز لەدژ ئەمریکاو هەموو ملهوڕان دروست دەکا. سەرۆکی دەزگەی داد وێڕای سەرەخۆشی بەبۆنەی شەهیدبوونی سەرداری سەربەرزی سپای ئیسلام، حاج قاسم سولەیمانی ، وتی: ئەو ڕووداوە، ڕووداوێکی زۆر قورسە بۆ ئۆممەتی ئیسلامی، چونکە حاج قاسم سیما وکەسایەتییەکی لایەنگری مەزلومان و بەرەڤانیکاری هەرێمی ئۆممەتی ئیسلامی لەجیهانی ئەمڕۆدا دەهاتە ئەژمار.
سەرۆکی دەزگەی دادەوانی بەئاماژە بەوەی کە لەگشت شوێنەکانی جیهان ناوی سەردار سولەیمانی ئاوێتە دەگەڵ هیممەت، ئازایەتی، بوێری، خۆڕاگری و بەرخۆدان بۆ بەرەڤانی لە ئۆممەتی ئیسلامی و ستەملێکراوانی جیهان دەبردرا، ئەو شەهید مەزنەی بە سەمبولی بەرەنگاربوونەوەی ترۆریزم زانی و وتی: ئەگەر بمانەوێ پێڕستێک لە هێماکانی خەباتی دژ بە ترۆریزم لەجیهان ئامادە بکەین، بێگومان ناوی حاج قاسم لەسەرووی ئەو پێڕستەدایە. ئێستا پرسیاری سەرەکی ئەوەیە کە چلۆن وەها کەسێک کە نە وەک پاڵەوانێکی نیشتمانی بەڵکوو وەک پاڵەوانێکی ناوچەیی و جیهانی لەبواری بەرەنگاربوونەوەی ترۆریزم و لایەنگری ستەملێکراوانە، بەشێوازێکی زۆر تاوانکارانەو لە هەوڵێکی ترۆریستی لەجۆری حکومەتی لەلایەن کەسانێکەوە شەهید کرا کە بانگەشەکەری داکۆکی لەمافی مرۆڤن.
ڕەئیسی وتیشی: ئەو پرسە کە هێما وسەمبولێکی بەرەنگاربوونەوەی ترۆریزم و لایەنگری ستەملێکراوان ترۆر دەکرێ، لەڕوانگەی کۆمەڵگایەکی مافەوانیی دادگەرانە کە کاری مافەوانی دەکا، بێگومان پێشێلکردنی ئاشکرای سەنەدو بەڵگەکانی مافی نێودەوڵەتی و نموونەی ئاشکرای تاوان لەدژ مرۆڤایەتییەو دەبێ شێلگیرانە بکەوێتەبەر سەرنجی مافناسانی جیهان.
