ڕۆحانی: ئاژانسی نێونەتەوەیی وزەی ناڤۆکی دەبێ سەربەخۆیی خۆی بپارێزێت
سەرۆک کۆماری ئێرانی ئیسلامی وێڕای ئاماژە کردن بە بڕیارنامەکەی ئەنجومەنی بڕیاردەرانی ئاژانسی نێونەتەوەیی وزەی ناڤۆکی دژی ئێران، وتی: ئاژانس دەبێ وێڕای پاراستنی سەربەخۆیی، نەکەوێتەژیر گوشاری ئەمریکاو ڕژێمی زایونییەوەو لە ڕێبازی یاسایی خۆی نەترازێت.
«حەسەن ڕۆحانی» سەرۆک کۆماری ئێرانی ئیسلامی ڕۆژی چوارشەممە لە نێو کۆبوونەوەی ئەنجومەنی وەزیران وتیشی: ڕژێمی زایونی و ئەمریکا بە ھێنانە ئارای بابەتێک کە ھی بیست ساڵ لەمەوبەرە، بەنیازن ئاژانسی نێونەتەوەیی وزەی ناڤۆکی لە ڕەوتی بەرپرسایەتییە سەرەکییەکانی بترازێنن.
سەرۆک کۆماری ئێرانی ئیسلامی، پارێزرانی جێ و شوێنی ئاژانسی نێونەتەوەیی وزەی ناڤۆکیی بۆ سیستێمی نێونەتەوەیی بە ھەرە گرینگ زانی و پێی داگرت: بنەمای کاری ئێران ھاوکاری لەگەڵ ئاژانسی نێونەتەوەیی وزەی ناڤۆکییە، بەڵام ئەگەر بێتو پێویست بکات ئێران وەڵامێکی لێبڕاوانە بە ھەڵس و کەوتی ئاژانس دەداتەوە.
ڕۆحانی ھەروەھا لە وەڵامی بانگەشەو پڕوپاگەندەی ئەمریکییەکان لە بارەی ئامادە بوونیان بۆ دانوستان لەگەڵ ئێران وتیشی: تاران دەزانێ کە ئەمە خوڵکێکی بێ بنەمایە،قسەی درێژداڕانەیەو ئەمریکییەکان لەبەر کەشی ھەڵبژاردن و تەنگژەو نەھامەتییەکانی خۆیان باسی دەکەن.
