سەرتیپ حاتەمی: زێدەی تەکنۆلۆژیای وەزارەتی بەرەڤانی ئێران لەخزمەت پیشەسازیەکانی وڵاتدایە
وەزیری بەرەڤانی و پشتیوانیی هێزە چەکدارەکانی ئێران گوتی: زێدەی تەکنۆلۆژیای بەرەڤانیی خرایە بەردەست ئۆتۆمبێل چێکەرانی ناوخۆیی، کەرتی گواستنەوەی ئاسمانی، دەریایی ، ئاسنەڕێ و بواری تەکنۆلۆژیای زانیاریی و پەیوەندییەکان و گشت کەرت و بەشەکانی دیکەی وڵات.
سەرتیپ ئەمیر حاتەمی رۆژی یەکشەممە گوتی: سەرباری گەمارۆ وبایکۆتی زاڵمانەی ئیستکبار، کۆماری ئیسلامی لەمەڕ بەهێزکرانی سیستەمی بەرگریی وڵات ، پێشکەوتنگەلێکی بەرچاوی بەدەست هێناوە.
سەرتیپ حاتەمی بەئاماژە بە بایکۆت شکێنی لەبواری بەرەڤانی و سەربازیدا بەتایبەت لە بەرهەم هێنان و چێکرانی جێتی پێشکەوتەی فێرکاریی کەوسەر، گوتی: وەزارەتی بەرەڤانیی ئێران توانیویەتی بە ستراتژیای " ئێمە دەتوانین" و گرینگیدان بە توانا خۆماڵی وناوخۆییەکان، پێویستیی راستەقینەی هێزە چەکدارەکان لە بواری جەنگی زەوینی، ئاسمانی، دەریایی، ئەلەکترۆنی، پەدافەندی(بەرگری) و مووشەکی دابین بکات.
