زەریف : ئەمریکا پێش ھەڵوەشاندنی بە تەواوەتی بایکۆتەکان ناتوانێ بگەڕێتەوە رێککەوتنی ناڤۆکی
وەزیری دەرەوەی ئێران گوتی : ئەمریکا ناتوانێ بەر لە ھەڵوەشاندنی بە تەواوەتیی بایکۆتەکان بگەڕێتەوە رێککەوتنی ناڤۆکی ، چونکە ئەوە ئەمریکایە کە یاسای پێشێلکردووە .
بە پێی راپۆرتی ئیران پرێس ، محەمەد جەواد زەریف وەزیری دەرەوەی ئێران گوتیشی : ھیچ شتێک لە سیاسەتی ئەمریکادا نەگۆڕاوە و بایدن تەنیا بانگەشەیەکی خستەڕوو ، حەوت سەرۆکی ئەمریکامان دیوە و کێشەکە ئەوەیە کە ئەمریکا بە دانانی بایکۆتی ئابووریی خووی گرتووە بەڵام ئەم سیاسەتە ، ئێران لە خشتە نابات .
زەریف گوتیشی : ئەمریکیەکان دەیانھەوێ بڕۆنە واوەتر لە رێککەوتنی ناڤۆکی بەڵام ھیچ دانوستانێک ناکرێ چونکە ئەم رێککەوتنەوە ، نەگۆڕە .
وەزیری دەرەوەی ئێران جەختی کردەوە : بایکۆت ، کارتێکی قەبوڵکراو نیە و لە بنەڕەتەوە لە گەڵاڵەی تۆکمەی ھەنگاوی ھاوبەش دا نیە ، چونکە باسی شێوازی ئامرازیانە بۆ دانانی بایکۆتەکان دەکرێ لە کاتێک دا کە بە پێچەوانەی بڕیارنامەی 2231 ە .
