فەرماندەری ھێزی ئاسمانیی ئەرتەشی ئێران: وەڵامی ئێران بە دەست درێژکاران پەژیوان کەرەوە دەبێت
فەرماندەری ھێزی ئاسمانیی ئەرتەشی کۆماری ئیسلامیی ئێران وتی: ھەر دەست درێژکارێکی دژی کۆماری ئیسلامیی ئێران ئەگەر لاساری بکات، دەبێ چاوەڕوانی وەڵامێکی گورچکبڕیش بێت و دیارە وەھا وەڵامێکیش بۆ دوژمنان پەژیوان کەرەوە دەبێت.
بە پێی ڕاپۆرتی ڕۆژی سێ شەممەی ھەواڵدەریی خوێندکارانی ئێران «ئیسنا»، سەرتیپ «حەمید واحیدی» فەرماندەری ھێزی ئاسمانیی ئەرتەشی کۆماری ئیسلامیی ئێران وێڕای ئاماژە کردن بە ڕۆڵی ئەم ھێزە لە بەردەوام کردنی ئاسایشتی پاوەجێی وڵات، وتی: ھێزی ئاسمانی لە سەربەخۆیی و ئاسایشت و سەروەریی ھەر وڵاتێک ڕۆڵێکی کاراو گرینگی ھەیەو ھێزی ئاسمانیی ئەرتەشی کۆماری ئیسلامیی ئێران کاریگەرترین ڕۆڵی لە بەردەوامیی ئاسایشتی پاوەجێی سنوورەکان و بە تایبەت ئاسمانی وڵات دا ھەیە.
«سەرتیپ واحیدی» وێڕای ئاماژە کردن بە دۆخی لەسەر ھەست بوونی ھێزی ئاسمانیی ئەرتەشی کۆماری ئیسلامیی ئێران لەمەڕ پاسەوانی کردن لە ئاسمانی وڵات، بە دەربڕینی ئەمەی کە ھێزی ئاسمانیی ئەرتەش ئامادەتر لە ھەر کاتێکی تر بەرەڤانی لە سنوورەکانی کۆماری ئیسلامیی ئێران دەکات، جەختیشی کرد: لە ئێستادا ھێزی ئاسمانیی ئەرتەش لەوپەڕی ئامادەیی و پاوەجێیی دایە.
فەرماندەری ھێزی ئاسمانیی ئەرتەشی کۆماری ئیسلامیی ئێران ئاسایشتی بە ھێڵی سووری ھێزە چەکدارەکانی ئێران ھێنایە ئەژمارو وتیشی: ھەر دەست درێژکارێک دژی کۆماری ئیسلامیی ئێران ئەگەر لاساری بکات، دەبێ چاوەڕوانی وەڵامێکی گورچکبڕیش بێت و دیارە وەھا وەڵامێکیش بۆ دوژمنان پەژیوان کەرەوە دەبێت.
