دەریاوان ئێرانی: ئەرتەشی ئێران بەنیازە بەرنامە داڕشتنە بۆ ئامادەبوون لە گەرووی پانامادا.
فەرماندەی هێزی دەریایی ئەرتەشی کۆماری ئیسلامیی ئێران بە ئاماژە بە بوونی ئەم هێزە لە ئاوەکانی سەرتاسەری جیهاندا وتی: خەریکی بەرنامە داڕشتنین بۆ ئامادەبوون لە گەرووی پانامادا.
بە پێی ڕاپۆرتی هەواڵدەریی فارس، دەریاوان «شەهرام ئێرانی» فەرماندەی هێزی دەریایی ئەرتەشی ئێران، ڕۆژی (چوارشەممە) لە پەراوێزی یەکەمین کۆنفرانسی نیشتمانیی شارستانیەتی دەریایی- ڕێڕەوی پێشکەوتن، ڕایگەیاند کە ئەمڕۆ دەرفەتێکی گەورەمان لە بواری دەریاییدا بۆ ڕەخساوە لە ئاراستەی پێشکەوتنی ئێران و دەتوانین بە قۆستنەوەی ڕێک و پێکی ئەم دەرفەتە لە توانایەکی ئابوورییەوە بگۆڕین بۆ انایەکی شارستانی.
دەریاوان «شەھرام ئێرانی» بە ئاماژەدان بە بوونی هێزی دەریایی ئەرتەشی ئێران لە ئاوەکانی جیهان وتیشی: ئێران لە هەموو گەرووەکانی ستراتژیکی جیهاندا ئامادە بووە و تەنیا لە دوو گەروودا ئامادە نییە.
فەرماندەی هێزی دەریایی ئەرتەشی ئێران ڕاشیگەیاند کە ئەمساڵ هێزی دەریایی ئێران لە یەکێک لەو گەرووانە ئامادە دەبێت و بەنیازە لە گەرووی پاناماش ئامادە بێت.
دەریاوان ئێرانی بەڕاگەیاندنی ئەمەی کە ئێران زۆر زووتر لە ئەوروپییەکان دەستی بە دەریاگەڕان کردووە وتیشی: ئەم شارستانییەتە دەریاییە خەریکە ھەمیسان دەبووژێتەوە.
فەرماندەی هێزی دەریایی ئەرتەشی ئێران جەختی لە سەر پێویستی کەڵک وەرگرتن لە بارستاییەنی دەریا بۆ گەیشتن بە شارستانیەتی ئیسلامی مۆدێرنی ئێرانی کردەوە و وتی: ئەگەر ئەمڕۆ دەرگەڕانی ئێران لە کەناراوەکانی کیشوەری ئەمریکا نزیک دەبنەوە، ئەوە پیشاندانی دەسەڵاتی ئێرانە.
