ئەمیر عەبدوڵڵاهیان: ئێران ئامادەی هەرچەشنە یارمەتیدان و هاوکارییەک لە بارەی بوومەلەرزەکەی تورکیا و سوریاوە
شوبات 06, 2023 22:47 Asia/Tehran
وەزیری دەرەوەی ئێران بە ئاماژە بە بوومەلەرزەکەی تورکیا و سوریا وتیشی: کۆماری ئیسلامیی ئێران ئامادەی پێشکەشکردنی ھەرچەشنە ھاوکارییەکی مرۆڤدۆستانەیە.
بە پێی ڕاپۆرتی هەواڵدەریی خوێندکارانی ئێران (ئیسنا)،«حسێن ئەمیرعەبدوڵڵاهیان» وەزیری دەرەوەی ئێران ڕۆژی دووشەممە،
بە دەربڕینی خەم و پەژارەی قوڵی بۆ بوومەلەرزەکەی تورکیا و سوریا،لە تویتێکدا پەرۆشی خۆی ،حکومەت و خەڵکی ئێرانی لە بەر ڕوودانی بوومەلەرزەکەی ھەردووک وڵاتی دۆست و برا، دراوسێ و موسڵمانی تورکیا و سوریا دەربڕی.
بەگوێرەی دوایین ئامار، بەرەبەیانی ڕۆڤژی دووشەممە بوومەلەرزەیەکی بەهێز باشووری تورکیا و باکوری سوریای هەژاندو ئەمەش بووە ھۆی گیانلەدەستدان و برینداربوونی ژمارەیەکی زۆر لە هاووڵاتیانی ئەم دوو وڵاتە. ناوبراو ھەروەھا هاوسۆزیی خۆی بۆ حکومەت و گەلانی تورکیا و سوریا ده ڕبڕی.
