وەڵامی ئەرێنیی سەرۆک کۆماری ئێرانی ئیسلامی بە بانگهێشتنەکەی «مەلیک سەلمان» بۆ سەردانی ڕیاز
جێگری یەکەمی سەرۆک کۆماری ئێرانی ئیسلامی بە ئاماژەدان بە پێوەندیی تاران لەگەڵ ڕیازو وڵاتانی کەنداوی فارس وتی: سەرۆک کۆماری ئێرانی ئیسلامی وەڵامی ئەرێنیی بە بانگهێشتنەکەی شای عەرەبستان بۆ سەردانی ڕیاز داوەتەوە.
ئێران و عەرەبستان لەسەر دەستپێکردنەوەی پەیوەندییە دیپلۆماسییەکان لە 10ی مارسی ڕابردوودا لە پەکین پێکەوە ڕێککەوتن؛ لەسەر بنەمای ئەمەش لە دوو مانگی داهاتوودا باڵوێزخانە و نوێنەرایەتییە دیپلۆماسییەکانی هەردوو وڵات دەکرێنەوە.
«محەممەد موخبیر»، جێگری یەکەمی سەرۆک کۆماری ئێرانی ئیسلامی لە وتووێژ لەگەڵ ئاژانسی هەواڵدەریی میهر ڕایگەیاند: لەو ستراتیژییە سەرەکییانەی «سەیید ئیبراهیم ڕەئیسی» سەرۆک کۆماری ئێرانی ئیسلامی ، نەرمکردن و باشترکردنی پەیوەندییەکانی لەگەڵ وڵاتانی ناوچەکەیە.
«موخبیر»هەروەها باسی بانگهێشتنی پاشای عەرەبستان لە سەرۆک کۆماری ئێرانی ئیسلامیی کرد بۆ دیدار و قسەکردن لەگەڵ یەکترو ڕایگەیاند کە «مەلیک سەلمان» بانگهێشتی سەرۆک کۆماری کردووە کە بەڕێزیشی بە ئەرێنی وەڵامی ئەم بانگهێشتنامەیەی داوەتەوە.
