جەختی ئێران لەسەر پەرەی هاوکاری ئەندامانی دی هەشت
سەرۆک کوماری ئیسلامی ئێران لە دانیشتنی سەرانی ڕێکخراوی هەشت وڵاتی ئیسلامی دی هەشت وتی : خوازیاری هاوکاری زۆرتر لە نێوان وڵاتانی ئەم ڕێکخراوەیە م بۆ گەیشتن بە بەرژەوەندی گەلەکەمان
مەسعودی پزشکیان لە دانیشتنی سەرانی دی هەشت لە قاهیرەی میسر وتی : ئێمە بەرنامەگەلێکمان بۆ لاگری لە سەرمایەنانەوە ، بەتوانا کردنی لاوەکان و لاگری لە پڕوژە بچووکەکانمان هەیە . ناوبراو وتیشی بەرنامەگەلێکیشمان هەیە بۆ لاگری لە تەکنولوژیا ؛ئابووری سەوز و کارخولقاندن .
سەرۆک کوماری ئێران لە بەشێکی دیکە دا وێڕای ئاماژە بە سەرۆکایەتی ده وره یی میسر لە گرووپی دی هەشت وتی : ئێمە لەم خولەدا شایەتی خێراتر کردنی هاوکاری بازرگانی و ئابووری لە نێوان وڵاتانی ئەندامین تا بتوانین بە بێ گرینگی دان بە مەودا جوگرافیەکان و بە لەبەر چاو گرتنی ئامانجەکانمان دەستمان بگاتە ئامانجە هاوبەشەکانمان .
پزشکیان وێڕای ئاماژە بە جینوسایدی زایونیەکان لە غەزە و لوبنان وتی زیاتر لە چواردە مانگە کە ناوچەی ڕوژئاوای ئاسیا و بە تایبەت غەزە و باشووری لوبنان و وڵاتی ئیسلامی سوریا کەوتونەتە بەر پەلاماری ڕژێمی زایونی . ناوبراو وتی ئەرکی شەرعی و مافەوانی و مرۆیی ئیمەیە تا بە هاودەنگی زۆرتر و هەڵگرتنی هەنگاوی بە کردەوە و خێرا جینوساید کردنی خەڵکی غەزە و پەلامارەکانی ڕژێمی زایونی بۆ سەر لوبنان و سوریا رابگرین.
