بەقایی:بەردەوامبوونی پیتاندن بنەمایەکی سەرەکی بۆ ئێرانە
وتەبێژی وەزارەتی دەرەوەی ئێران وێڕای پێداگری لەسەر ئەوەی کە بەردەوامبوونی پیتاندن یەکێک لە بنەما سەرەکییەکانی ئێرانە وتی : ڕاوێژکاری لەسەر دیاریکرانی کات و شوێنی خولی دواتری وتووێژەکان درێژەی هەیە و هەرکە کۆتایی هات لەلایەن عومانەوە ڕادەگەیندرێت.
ئیسماعیل بەقایی وتەبێژی وەزارەتی دەرەوەی ئێران پێداگری کرد ئێران و ئەمریکا تەنیا لەسەر پرسی ناڤۆکی و هەڵوەشاندنی بایکۆتەکان پێکەوە وتووێژ دەکەن و هیچ مەسەلەیەکی تر لەم وتووێژانە دا نەخراوەتە بەر باس .
ناوبراو وێرای پێداگری لەسەر ئەوەی کە بابەتی سەرەکی ، هەڵوەشانەوەی بایکۆتە زاڵمانەکانە وتی : شاندی وتووێژکاری ئێرانی لە هیچ هەوڵێک بۆ هەڵوەشاندنی بایکۆتە زاڵمانەکانی ئەمریکا کە بێ گومان نایاسایی و بنپێکەری بنەمای مافە نێودەوڵەتی و مرۆڤییەکانە، درێخی ناکات.
ناوبراو وتیشی : بەردەوامبوونی پیتاندن لە ئێران وەک بەشێکی جیایی نەکراوی پیشەسازی ناڤۆکی وڵات، بنەمایەکی سەرەکی بۆ کۆماری ئیسلامیی ئێرانە و هەر پێشنیار یان داهێنانێک کە بنپێکەری ئەم بنەمایە بووە و یان بواری بنپێکرانی ئەم مافە دەستەبەر بکات ، قەبووڵ ناکرێت.
