SAHAR

بەرەبەیانی ئەمڕۆ یەکەم بارانبارینی پاییزی ئەمساڵ لە بڕێک لە ناوچەکانی ئێران دەسپێبوو .

 بارانبارینی پاییزی سەرەتا لە ئیلام و کرماشان دەسپێبوو و پاشان ناوچەگەلێکی زۆرتر بۆ وێنە پارێزگای کوردستان، ئازەربایجانی ڕۆژئاوایی ، ئازەربایجانی ڕۆژهەڵاتی ، ئەردەبێڵ ، هەمەدان و لۆرستانی  داگرت . ئەو بارانبارینە  بووە هۆی خوشحاڵی  خەڵک لە ناوچە جۆراوجۆرەکانی ئێران و لە هەندێک ناوچەش وەک پیرانشار و ژمارەیەک  لە گوندەکانی سەڵماس بارانەکە  لە شێوەی بەفر بووە. هەروەها ئاسمانی ناوچەکانی ناوەڕاستی ئێران، وەک چوارمەحاڵ و بەختیاری، ئیسفەهان، زەنجان، قەزوێن، پارێزگای مەرکەزی ، قوم، ئەلبورز و تارانیش هەوریە و ئەگەری  باران بارینیان تێدا هەیە.