وەزیری دەرەوە وتی: پاراستنی یەکێتی و یەکڕیزیی نیشتمانی، مەرجی سەرەکیی سەرکەوتنی وڵاتە لە بەرەوڕووبوونەوەی "شەڕەنگێزیی دوژمنان"دا.

سەید عەبباس عێراقچی لە کۆبوونەوەی سەرتاسەریی نوێنەرانی وەلی فەقیی و گوتاربێژانی نوێژی هەینیی پێی داگرت؛ خۆڕاگریی گەلی ئێران لەهەمبەر "شاڵاوی هەمەلایەنە"ی ئەمریکا و رژێمی زایۆنی، بە خاڵێکی وەرچەرخانی مێژوویی لێکدایەوە. عێراقچی ، رۆڵی رێبەریی، گیانفیدایی هێزە چەکدارەکان و یەکدەنگیی نیشتمانی لە هۆکارە سەرەکییەکانی ئەو "سەرکەوتنە" ناوبردو پێی داگرت لەسەر پێویستیی بەهێزکرانی باڵادەستیی بەرەڤانی، پاراستنی سەرمایەی کۆمەڵایەتی وهەوڵدان بۆ چارەسەریی کێشەو گرفتە ئابوورییەکان.