تایبەتمەندییەکانی لالەنگی؛ مێوەیەکی بەسوود بۆ تەندرووستی
لالەنگی یان "نارەنگی" بە یەکێک لە مێوە دڵخواز و بەچێژەکانی وەرزی پاییز دادەنرێت. ئەم مێوەیە و توێکڵەکەی چەندین سوود و تایبەتمەندیی دەرمانییان هەیە.
لالەنگی لە ریزی مێوەی سارد و تەڕدایە؛ ئەم مێوەیە سوودی زۆری بۆ جەستە و تەندرووستی هەیە کە لێرەدا تیشک دەخەینە سەری.
بەهای خۆراکی:
لالەنگی بڕێکی بەرچاوی ڤیتامین سی و کانزا جۆراوجۆرەکانی وەکوو پۆتاسیۆم، کەلسیۆم، مەگنیسیۆم و ئاسنی هەیە، بەهای خۆراکیی دانەیەکی لالەنگی بەم جۆرەیە:
کالۆری: ٤٠
چەوری: ٠.٢ گرام
سۆدیۆم: ١.٥ گرام
کەربۆهیدرات: ١٠.١ گرام
ڕیشال: ١.٣ گرام
پرۆتین: ٠.٦ گرام
ڤیتامین سی: ٠.٢٦ گرام
تایبەتمەندییەکانی لالەنگی:
چەندین سوودی لالەنگی هەن کە هۆیەکەی دەگەڕێتەوە بۆ بوونی ڕێژەیەکی زۆری ڕیشاڵ، خوێیە کانزاییەکان و ڤیتامینەکان. وەک تایبەتمەندییەکانی لالەنگی دەتوانین ئاماژە بە چارەسەرکردنی ئاوسانی لەش (نەفخ)، تایبەتمەندیی لابردنی ژەهری لەش، پاککردنەوەی خوێن، بەهێزکردنی ئێسقان و ئێسکەپەیکەر، چارەسەرکردنی سەرگێژخواردن، چارەسەرکردنی کەمخەوی، کەمکردنەوەی تا، نەهێشتنی خەستیی خوێن، چارەسەرکردنی و وەستاندنی کۆکەی زستانە، دابەزاندنی پەستانی خوێن، کەمکردنەوەی کێشی لەش و تایبەتمەندیی دژە گرژبوونی ماسوولکە بکەین.
چەند تایبەتمەندی و سوودیكی تری لالەنگی:
باشترکردنی تەندرووستیی دڵ و ڕێکخستنی پەستانی خوێن
باشترکردنی تەندرووستیی خوو و هەڵسوکەتی مرۆڤ
بەهێزکردنی سیستەمی بەرگریی لەش
بەسوود بۆ کۆئەندامی هەرس و یارمەتیدەر بۆ هەرسکردنی خۆراک
پاراستنی تەندرووستیی پێست و قژ
تایبەتمەندیی نەهێشتنی چڵک و پاکتاوکردن
ڕێگرتن لە نەخۆشیی شەکرە
ڕێگرتن لە جەڵتەی دڵ
بەسوود بۆ کاتی دووگیانی
کاریگەر لە دابەزاندنی کێش
بەسوود بۆ تەندرووستیی و پتەوبوونی پوک
تەندرووستیی چاو
ڕێگریکردنی لە پیربوون
بەهێزکردنی خڕۆکە سوورەکانی خوێن
کاریگەر لە دژی سەرمابوون
ڕێگریکردن لە درووستبوونی بەردی گورچیلە
