جەستەی مرۆڤ سیستمێکی ئاڵۆزە کە لە ئەندامە جۆراوجۆرەکان پێکهاتووە.

  ناساندن

جەستەی مرۆڤ سیستمێکی ئاڵۆزە کە لە ئەندامە جۆراوجۆرەکان پێکهاتووە،هەریەکەیان ئەرکی گرنگی خۆی هەیە ئەم ئەندامانە پێکەوە کاردەکەن لە جەستە. ئەندامە سەرەکییەکانی جەستەی مرۆڤ و ئەرکە گرنگەکانیان و هەندێک نەخۆشی باو کە دەتوانن کاریگەرییان هەبێت لەسەریان

١/ مێشک: مێشک ناوەندی کۆنتڕۆڵکردنی جەستەیە و بەرپرسە لە هەماهەنگی و ڕێکخستنی هەموو کارەکانی جەستە، کۆنتڕۆڵی بیرکردنەوە و هەست و یادەوەری و جووڵە و هەستکردن بە هەستەکان ئەکات. ئەو نەخۆشیانەی کە ئەتوانن  کاریگەرییان لەسەر مێشک هەبێت بریتین لە نەخۆشی زەهایمەر، جەڵتەی مێشک، وەرەمی مێشک، برینداربوونی زەبر و زەنگ لە مێشکدا.

٢/دڵ: دڵ ئەندامێکی ماسولکەییە و خوێنی ئۆکسجینکراو دەگوازێتەوە بۆ هەموو بەشەکانی لەش، هەروەها دڵ سیستمی کارەبایی تایبەتی خۆی هەیە کە ڕیتمەکەی ڕێکدەخات، نەخۆشییە باوەکانی دڵ بریتین لە نەخۆشی تاجی خوێنبەرەکان، سستبوونی دڵ، ناڕێکی لێدانی دڵ و تێکچوونی بەستەری دڵ، گیرانی خوێنبەرەکانی دڵ و جەڵتەی دڵ.

٣/ سییەکان: سییەکان بەرپرسن لە ئاڵوگۆڕی ئۆکسجین و دووەم ئۆکسیدی کاربۆن لە لەشدا ئەوان ئۆکسجین لە هەوای هەناسەدان وەردەگرن و دووەم ئۆکسیدی کاربۆن وەک بەرهەمێکی پاشماوە دەرئەکەن. نەخۆشییەکانی سییەکان بریتین لە تەنگەنەفەسی، نەخۆشی درێژخایەنی ڕێگری سییەکان (COPD)، هەوکردنی سییەکان، شێرپەنجەی سییەکان، ڕەبۆ.

٤/ جگەر: جگەر گەورەترین ئەندامی ناوەوەی جەستەیە چەندین ئەرکی گرنگ ئەنجام دەدات، ماددە خۆراکییەکان لە خۆراکەوە میتابۆلیزە دەکات و ماددە زیانبەخشەکان ژەهراوی دەکات و شلەی زراو بۆ هەرسکردن بەرهەم ئەهێنێت  و ڤیتامین و کانزاکان هەڵدەگرێت و  هۆکارەکانی مەیینکردنی خوێن ڕێک دەخات. نەخۆشییەکانی جگەر بریتین لە هەوکردنی جگەر ڤایرۆسی یان کحولی، نەخۆشی چەوری جگەر، شێرپەنجەی جگەر ،لە کارکەوتنی جگەر، بەمۆمبوونی جگەر.