ناڕەزایەتی ئافرەتانی تورکیا بە کشانەوەی ئانکارا لە پەیمانی نەھێشتنی توندی و تیژیی نێو بنەماڵە
ھەزاران کەس لە ئافرەتانی تورکیا بۆ ناڕەزایەتیی بە کشانەوەی ئەم وڵاتە لە پەیمانی پێشگری و نەھێشتنی توندی و تیژی دژی ئافرەتان کۆبوونەوەیەکی گەورەیان سازدا .
بە پێی راپۆرتی ھەواڵدەریی رۆیتێرز ، ھەزاران ئافرەتی تورکیا رۆژی شەممە ھاتنە سەر شەقامەکان و خوازیاری پێداچوونەوە بە بڕیاری حکومەت بوون لە بارەی کشانەوە لە پەیمانی نێودەوڵەتیی توندی و تیژی نێو ماڵ دژی ئافرەتان .
رەجەب تەییب ئەردۆغان سەرۆکی تورکیا حەوتەی رابردوو بە راگەیاندنی کشانەوەی ئەم وڵاتە لە کۆنڤانسیۆنی ئەستەموڵ کە ساڵی 2011 واژۆ کرا ، ھاوپەیمانانی ئەوروپایی خۆی سەرسام کرد .
تورکیا لە یەکەم واژۆکەرانی ئەم پەیمانە بوو و ئافرەتان دەڵێن ئاسایشی ئەوان بەم کارەی ئەردۆغان کەوتووەتە مەترسیی .
زانیاریەکانی رێکخراوی تەندروستیی جیھانی نیشان ئەدات سەتی 38 ی ئافرەتانی تورکیا لەبەردەم مەترسیی توندی و تیژی لە لایەن ھاوسەرانی خۆیاندان و ئەم رەقەمە لە ئەوروپا سەتی 25 ە .
بە پێی راگیاندنی گروپێکی چاودێر ، رێژەی ژنکوشتن لە تورکیا کە ھیچ ئامارێکی فەرمیی لە بارەیەوە لەبەردەست دا نیە ، لە 10 ساڵی رابردوودا سێ ئەوەندە بووە .
