لافاو لە ناوچە بوومەلەرزە بەرکەوتووەکانی تورکیا
بارانێکی بەخوڕ و لافاو لە پارێزگای «شانلی ئۆرفا» چوار کەس و لە پارێزگای «ئادی یامان» کەسێک گیانیان لەدەست دا.
«ئادی یامان» و «شانلی ئورفا» لە باشووری تورکیا کە نزیکەی پێنج حەوتە لەمەوبەر بوومەلەرزەیەکی ترسناک تیای دا ڕووی دا، دوای بارانبارینێکی بەخوڕ لە دوێنێ و ئەمڕۆ چوارشەممە لافاویان تیادا ھەستاوە.
ئادیەمان و شانلیورفا لە باشووری تورکیا کە نزیکەی پێنج هەفتە لەمەوبەر بوومەلەرزەیەکی ترسناک ڕوویدا، دوای بارانبارینی بەخوڕ لە ماوەی ڕۆژێکی ڕابردوودا و ئەمڕۆ چوارشەممە لافاویان لێ کەوتەوە.
سەرۆک کۆماری تورکیا ئەمڕۆ لە کۆبونەوەی گروپی پەرلەمانیی پارتی داد و گەشە ڕاشیگەیاند، نزیکەی دوو ملیۆن و 400 هەزار دانیشتووی ناوچەی بوومەلەرزەلێدراو لە 433 هەزار خێمە و کانێکس دا دەژین، بەڵام بەداخەوە بەشێک لەو ناوچانە دوێنی و ئەمڕۆ بەهۆی لافاوەوە زیانیان بەرکەوتووە.
بەگوتەی «سولەیمان سۆیلو» وەزیری ناوخۆی تورکیا، لەم ڕووداوە سروشتییەدا لانیکەم دە کەس بێسەروشوێن بوون کە دوو ئاگرکوژێنەوەشیان تێدایە، شەقامەکان بوونەتە دەریاچە و ئۆتۆمبێلێکی زۆر ژێرئاوکەوتوون.
شەوی ڕابردوو بەهۆی بارانبارینی زۆرەوە زۆرێک لە شەقامەکانی شارەکە ژێرئاوکەوتوون.
