بەرپرسی هەڵوێستی دەرەوەیی یەکێتیی ئەورووپا لە هەڵوێستێکی دژبەرانە بەرامبەر قسەکانی سەرۆکی فەرەنسا، پێداگری کرد کە ئەو یەکێتییە هاوپەیمانییەکی سەربازی نییە و نابێت.

بەپێی ڕاپۆرتی هەواڵدەریی سپوتنیک، فێدێریکا موگرینی  ئەمڕۆ سێ شەممە لە پرێس کۆنفرانسێک دا لە بروکسێل  سەبارەت بە ئەگەری هاتنەدی ڕاستەقینەی پێکهاتنی سوپای ئەورووپی وتی : یەکێتی ئەورووپا  هیچکات نابێتە هاوپەیمانیەکی سەربازی و هیچ ڕکابەرییەکی لەگەڵ ڕێکخراوی پەیمانی ئاتلانتیکی باکووری ناتو  نییە.

موگرینی وتیشی: یەکێتیی ئەورووپا  بۆ دابین کردنی ئاسایشی دڵنیا و چالاک لە ناوچە و هەموو جیهان سەرمایە دەنێتەوە  بەڵام سوپا پێک نایێنێ.

ئێمانۆئێل مەکرون  سەرۆکی فەرەنسا نۆیەمی نوامبەر  پێشنیاری دامەزراندنی سوپای ئەورووپی خستە ئاراوە.

ئەم پێشنیارە بەرەوڕووی نەیارەتی چەند وڵاتی ئەورووپی  بووەتەوە.