وەزیری دەرەوەی ئەرمەنستان دەڵێ : ئێرەوان بە ئامانجی چارەسەریی کێشەی قەرەباغ ، ئامادەی دانوستان لە گەڵ باکۆیە .

زۆھراب  مناتسکانیان  وەزیری دەرەوەی ئەرمەنستان رۆژی دوشەممە لە پرێس کۆنفڕانسێکی ھاوبەش دا لە گەڵ سێرگی لاڤرۆڤ ھاوشانی رووسی خۆی لە مسکۆ گوتی : ئێرەوان ئامادەیە دوای ئاگربەسی بە تەواوەتی لە ناوچەکە بۆ یەکلاکردنەوەی کێشەی قەرەباغ لە گەڵ لایەنی ئازەری وتووێژ بکات . 

مناتسکانیان گوتیشی : داوای ئەرمەنستان لە کۆماری ئازەربایجان ئەوەیە کە پێبەندی رێککەوتنی ئاگربەس لە قەرەباغ بێت . 

لە ھەمان کات دا وەزاڕەتی بەرگری ئازەربایجانیش ئەمڕۆ دوشەممە  لە بەیاننامەیک دا راگەیاند : ھێزەکانی ئەم وڵاتە بە تەواوەتی پێبەندی ئاگربەسی مرۆڤ دۆستانەن و ھەڵمەتی سەربازیی لە لایەن ھێزەکانی ئەم وڵاتەوە راگیراوە .