دانیشتنی لێژنەی تەکنیکیی ھاوبەشی ئێران و کۆماری ئازەربایجان
لێژنەی تەکنیکیی ھاوبەشی ئێران و کۆماری ئازەربایجان لە بارەی شێوازی ھاوکاری و کەڵک وەرگرتن لە بەنداوی «خودائافەرین» و «قیز قەڵاسی» و ھێزگەی کارەبای ئاویی «ئۆردوباد» و «مارازاد» لە نەخجەوان دەستی پێ کرد.
بە پێی ڕاپۆرتی ڕۆژی دووشەممەی سەرکونسولگەریی کۆماری ئیسلامیی ئێران لە نەخجەوان، لە دانیشتنی لێژنەی تەکنیکیی ھاوبەشی ئێران و کۆماری ئازەربایجان، ھەردووک لا لە بارەی شێوازی بەردەوام کردنی ھاوکاری بیروڕایان گۆڕییەوە.
ئەم دانیشتنە کە ڕۆژی دووشەممە دەستی پێ کرا بۆ ماوەی سێ ڕۆژ بەردەوام دەبێت.
ڕێککەوتنی چێکردن و خستنەگەڕی بەنداوەکان و ھێزگەکانی «خودائافەرین» و «قیزقەڵاسی» لە سەر چۆمی ئاراس ١٣ی فڤریەی ٢٠١٦ لە نێوان کۆماری ئازەربایجان و کۆماری ئیسلامیی ئێران لە تاراندا واژۆ کرا.
ڕێککەوتنی چێکردن و خستنەگەڕی بەنداوەکانی «ئۆردوباد» و «مارازاد»یش نۆھەمی ئاپریلی ٢٠١٤ لە تاراندا لەنێوان ئێران و کۆماری ئازەربایجانی دراوسێ دا واژۆ کرا.
