فەرمانی پوتین بۆ دامەزراندنی دادگای مافی مرۆڤ
سەرۆکی روسیا فەرمانیدا دادگای باڵا و وەزارەتی دادی ئەم وڵاتە ئیمکانی دامەزرانی دادگای مافی مرۆڤ تاووتوێ بکەن .
بە پێی راپۆرتی ھەواڵدەریی ئیتارتاس ، ڤلادیمیر پوتین سەرۆکی روسیا ھەروەھا خوازیاری دابین بوونی مافی رۆژنامەوانان لە ناوچەکانی فێدڕاڵی روسیا بوو .
سەرۆکی روسیا ھەروەھا فەرمانی بە دادئەستێنی گشتیی ئەم وڵاتە داوە تا زانیاریەکانی ناوەندە ناحکومیەکانی بەرگری لە مافی مرۆڤ تاوتوێ بکات .
لە رۆژانی رابردوودا لە زۆر شاری روسیا لەوان مۆسکۆی پێتەخت خۆپێشاندانی جەماوەری بەڕێوەچووە و تا ئێستا 2000 کەس لە ناڕازیان گیراون .
ئالێکسی ناڤالنی بەرھەڵستکاری ناسراوی روس ، بیستی ئابی 2020 لە کاتی گەشتێکی بەفڕۆکەی نێوخۆیی لە تۆمسکەوە بۆ مۆسکۆ تووشی نەخۆشی ھات و لە ژێر زەخت و گوشاری نێودەوڵەتیی گوازریەوە بۆ نەخۆشخانەیەک لە ئاڵمان .
وڵاتانی رۆژاوایی بە تایبەت ئاڵمان رایانگەیاند مۆسکۆ ئالێکسی ناڤالنی بە گازی ژاراوی دەرمانداو کردووە . مۆسکۆ ئەم بابەتە ڕەتدەکاتەوە .
ئالێکسی ناڤالنی حەوتەی رابردوو گەڕایەوە مۆسکۆ و دەسگیر کرا .
