دەست پێ بوونی کۆبوونەوەی ئۆنلاینی لێژنەی ھاوبەشی بەرجام
کۆبوونەوەی ئۆنلاینی لێژنەی ھاوبەشی بەرجام بە ئامادە بوونی شاندەکانی ئێران و تاقمی چوارو یەک و بە سەرۆکایەتیی نوێنەری یەکێتیی ئەورووپا دەستی پێ کرا.
بە پێی ڕاپۆرتی ڕۆژی ھەینیی ھەواڵدەریی فارس، کۆبوونەوەی لێژنەی ھاوبەشی بەرجام لە ئاستی یاریدەران و بەڕێوەبەرانی سیاسیی وەزارەتخانەکانی کاروباری دەرەوەی ئێران و تاقمی چوارو یەک سبەینێ بەشێوەی ئۆنلاین دەستی پێ کرا.
«سەیید عەبباس عەراقچی» یاریدەری سیاسیی وەزیری کاروباری دەرەوەی ئێران سەرۆکایەتیی شاندەکەی ئێرانی بە ئەستۆیە و سەرۆکایەتیی کۆبوونەوەکەش بە ئەستۆی «ئێنریکە مۆرا» جێگری بەرپرسی سیاسەتی دەرەوەیی یەکێتیی ئەورووپایە.
بەرلەمە ھەواڵدەریی ژاپۆنیی کیۆدۆش باسی بەرپاکرانی ئەم دانیشتنەی کردو ڕایگەیاند بوو کە کاربەدەستانی باڵای ئێران و ئەورووپا دووشەممەی ڕابردوو لە ئاڵمانیا پێکەوە دیداریان کردووە ھەتا لە بارەی بۆچوونی بووژاندنەوەی دووبارەی ڕێککەوتنی ناڤۆکیی ٢٠١٥ وتووێژ بکەن.
