خۆپیشاندانی دژی ناتۆ لە نیۆیۆرک
لە شاری نیۆیۆرک لە ئەمریکا خۆپیشاندانێک دژی ڕێکخراوی پەیمانی باکوری ئەتڵەسی (ناتۆ) بەڕێوەچوو.
بەگوێرەی ڕاپۆرتی هەواڵدەریی ڕادیۆو تەلەفزیۆن، شاری نیویۆرک ناڕەزایەتیی گشتیی دژ بە ناتۆ و ناردنی چەک بۆ ئۆکرانیای لێ کەوتەوە.
به پێی ئەم ڕاپۆرته بەشداربووانی ئەم خۆپیشاندانه جەختیان له دژایەتیی خۆیان بۆ پاڵپشتیی سەربازی لە ئۆکرانیا کردەوەو هاواریان کرد: پاره بۆ دابینکردنی پێداویستییەکانمانه نەک ماشێنی جەنگی.
خۆپیشاندەران خوازیاری کۆتایی هێنانی بەپەلە بە دابین کردنی تێچووی شەڕی ئۆکرانیاو تەرخانکردنی ئەو پارانە بۆ خزمەتگوزارییە کۆمەڵایەتییەکانی وەک پەروەردە و خانووبەرە بوون. هاوکات پشتیوانیی خۆیانیان بۆ دانوستانەکانی ئاشتیی نێوان ڕووسیا و ئۆکرانیا بۆ کۆتایی هێنان بە شەڕەکە ڕاگەیاند.
دوابەدوای هێرشی ڕووسیا بۆ سەر ئۆکرانیا لە ٢٤ی فڤریەدا، وڵاتانی ڕۆژئاوا بە ملیۆنان دۆلار هاوکاریی سەربازی و مەدەنییان بۆ ئۆکرانیا گواستووەتەوەو یان بەڵێنی ناردنیان داوە.
