وەزارەتی دەرەوەی ئەمریکا ڕایگەیاند کە بارێکی چەکەمەنی دیکەی بە ڕژیمی زایونیستی فرۆشتوە.

ئانتۆنی بلینکێنی وەزیری دەرەوەی ئەمریکا بە ئەندامانی کۆنگرێسی وڵاتەکەی راگەیاندوە کە بۆ جاری دووهەم لەمیانەی هەر ئەم مانگەدا لە مافی یاسایی خۆی بۆ فرۆشتنی یەگجار پێویستی بارێکی چەکەمەنی بریتی لە پارچەی پێویست بۆ سازکردنی گولەی سەدو پەنجاو پینج میلیمیتری بەبڕی سەدو چلوحەوت ملوێن دۆلار بۆ فرۆشتن بە ڕژیمی زایونیستی کەڵکی وەرگرتوە.

وەزیری دەرەوەی ئەمریکا بڕیارێکی هاوشێوەی دیکەشی لە نۆی هەرئەم مانگە گرتەبەرو هەرخودی خۆی ڕەزامەندی دەربڕی لەسەر فرۆشتنی نزیکەی چواردەهەزار گولەدەبابە بەبڕی زۆرتر لە  سەدو شەش ملوێن دۆلار بەو ڕژیمە.

فرۆشتنی چەکەمەنی بەو ڕژیمە لەکاتێکدایە کە لەمیانەی دواین کۆبوونەوەی ئەنجوومەنی ئاسایشی ڕێکخراوی نەتەوە یەکگرتوەکان لەساڵی دووهەزارو بیست وسێ ئەندامانی ئەو ئەنجوومەنە نیگەرانی خۆیان ڕاگەیاند لە پەرەسەندنی شەڕەکەی غەزە بۆدیکەی ناوچەکانی ڕۆژئاوای ئاسیا.