سەرۆک کۆماری ئەمریکا ، وێڕای ڕەت کردنەوەی ڕاپۆر وهەواڵی هاوپێوەند بە کەمبوونی یەدەگ و پاشەکەوتی چەکئامێریی ویلایەتە یەکگرتووەکان، ڕایگەیاند کە ئەو کەسانەی ئەو زانیاریانە بڵاو دەکەنەوە، لەلایەن دەم و دەزگە دادەوانییەکانەوە پێوشوێن دەگیرێن و سزای خرانەزیندانی درێژماوەیان بەسەردا دەسەپێندرێ.

دۆناڵد ترەمپ سەرۆک کۆماری ئەمریکا لە کاردانەوە بە قسەوباسی ئەم دواییە سەبارەت بە دۆخی پاشەکەوت و کۆگای چەکەمەنیی ئەمریکا، لە تۆڕی کۆمەڵایەتیی خۆیدا نووسی: "ئەمریکا بڕێکی زۆر تەقەمەنی هەیە، بەتایبەتی جۆرێکی دیاریکراو. جگە لەوە، هەرکات پێویست بکا، قەبارەیەکی زۆری تەقەمەنی و چەکئامێر بەرهەم دەهێنرێ و ڕەوانەی ئەمریکا دەکرێ. کۆمپانیاکانی پیشەسازیی بەرەڤانیش خەریکی دانان و دامەزراندنی زیاترین ژوماری کارگەو هێڵی بەرهەمهێنان لەمێژووی وڵاتەکەمانن".

بەبڕوای شارەزایانی بواری بەرەڤانی، لێدوانەکانی ترەمپ دەتوانێ هاوکات دوو ئامانج پێوشوێن بگرێ: یەکەم، وەڵامدانەوە بە ڕەخنە ناوخۆییەکان سەبارەت بە توانای سەربازیی ئەمریکاو دووەم، ترساندن و تۆقاندنی کارمەند و فەرمانبەرانی حکومەت و لەقاودەرانی شیمانەیی لە سەروبەندی بەڕێوەچوونی ململانێکانی هەڵبژاردنی داهاتوو.