بەرزبوونەوەی ژماری قوربانیانی تەقینەوە لە نەخۆشخانەکەی بەغدا ، 82 کوژراو و 110 بریندار
نیسان 25, 2021 21:30 Asia/Tehran
وەزارەتی نێوخۆی عێراق باسی بەرزبوونەوەی ژماری قوربانیانی تەقینەوە لە نەخۆشخانەی «ابن الخطیب» ی بەغدای کرد .
بە پێی راپۆرتی ھەواڵدەریی فەرمیی عێراق ، وەزارەتی نێوخۆی عێراق ئەمڕۆ یەکشەممە رایگەیاند ، ژماری قوربانیانی روداوی دڵتەزین لە نەخۆشخانەی بەغدا بۆ 82 کوژراو و 110 بریندار بەرزبووەوە .
سەرچاوە دەرمانیەکان لە عێراق بەر لەوە ھەواڵیاندا ، بە دوای تەقینەوەی کەپسولی ئۆکسیژێن لە نەخۆشخانەی «ابن الخطیب» ی بەغدای ، 27 کەس کوژران و 46 کەس بریندار بوون .
بەرھەم ساڵح سەرۆکی عێراق خوازیاری لێکۆڵینەوە بۆ دۆزینەوەی کەسانی خەمسارد بوو لە روودانی ئەم کارەساتە.
کازمی سەرۆک وەزیرانیش وێڕای پێداگری لەسەر لێکۆڵینەوەی خێرا لە بارەی رووداوەکە ، سێ رۆژ ماتەمینی گشتیی راگەیاند .
