ڕێبوار تەها: لەمڕۆ بەدواوە قۆناغێکی نوێ لە کەرکووک دەست پێ دەکا
پارێزگاری نوێێ کەرکووک سەر بە یەکیەتی نیشتمانی کوردستان ڕایگەیاند کە هەموولایەک دڵنیا دەکەمەوە کە لەمڕۆ بەدواوە قۆناغێکی نوێ لە کەرکووک دەست پێ دەکاو ئەوەش دەسپێکی ئاشتی و ئاوەدانی و خزمەتگوزاریە بۆ هاووڵاتیانی ئەو پارێزگایە.
لیژنەی پارێزگای کەرکووک بەبێ بەشداری هێندێک لە کوردو عەرەب و تورکمەنەکانی ئەو لیژنە لە هوتێل ڕەشیدی بەغدا بەڕێوە چوو کە تێیدا ڕێبوار تەها وەک پارێزگاری نوێی کەرکووک و ئیبراهیم تەمیم"یش وەک جێگری دیاری کران.
لەو کۆبوونەوەدا محمدحافزی سەربە کەمینەی عەرەبیش وەک سەرۆکی لیژنەی پارێزگە دەست نیشان کرا.
ڕێبوارتەها لەدوای هەڵبژاردنەکەی لەپەیامێکی بڵاوکراوەدا ڕایگەیاند کە لێرەوە ڕادەگەیەنم کە هەموو هەوڵەکانم بەئاراستەی بەهێزکردنی ئاسایش و سەقام و بەرزکردنەوەی ئاستی خزمەتگوزاری و زیندوکردنەوەی ژێرخانە ئابوریەکان و پەرەدان بە کەرتی جۆربەجۆرو کەڵک وەرگرتن لە سەرچاوە دەوڵەمەندەکانی کەرکووک بەئامانجی باشترکردنی ئاستی بژیوی خەڵکی ئازیزی ئەم پارێزگە بەکار دەهێنم.
وتەبێژی یەکیەتی نیشتمانی کوردستانیش سەبارەت بە دەستنیشانی پارێزگەی کەرکووک لە پەیامێک دا ڕایگەیاند کە پارێزگاری نوێی کەرکووک بە هەوڵ و هەنگاوەکانی گومانی تۆوی ناکۆکی و دووبەرەکی دەنێژێ.
