نووسینگەی ئایەتووڵڵاهولعوزما سیستانی دوابەدوای پەلاماری ڕژێمی زایۆنی بۆ سەر ئێران لە بەیاننامەیەکدا ئەم دەسدرێژییە ئاشکرایەی شەرمەزار کرد.

لە بەیاننامەکەی نووسینگەی ئایەتووڵڵا سیستانیدا هاتووە: ئەو جەنایەتەی ڕژێمی زایۆنی واتە شەهیدکردنی ژمارێک لە زانستوەران، فەرماندەرانی سەربازی و خەڵکی مەدەنی ئێرانی لەوان ژن و منداڵ، و پەلاماردانی ڕێکخراو و ناوەندە زانستییەکانی ئێران، دیسان مەترسیی ئەم ڕژێمە و دەسدرێژییەکانی بۆ هەموان دەرخست.

نووسینگەی ئایەتووڵڵا سیستانی لەگەڵ بە ئاوات خواستنی ڕەحمەتی کردگار بۆ شەهیدانی مەزن، سەرەخۆشی لە بنەماڵە بەڕێزەکانیان و شیفای خێرا بۆ بریندارانیش، ئەم جەنایەتەی بە تووندی شەرمەزار کرد و داوای لە کۆمەڵگای جیهانی کرد کە ئەم ڕژێمە دەسدرێژکارە و پشتیوانەکانی بخاتە بن گوشارەوە بۆ ئەوەی کۆتایی بێت بەم چەشنە دەسدرێژکارییانە.