SAHAR

لەدیداری بافڵ تاڵەبانی و شیاع سودانی ، هەردوو لا تەئکیدیان لەسەر هەڵبژاردنێکی شەفاف و بێ تەزویر کردەوە و پرسە هەڵپەسێردراوە داراییەکانی نێوان هەولێروبەغداش باسیان لێوەکرا.

تاڵەبانی لەو دیدارەدا داوای لەسودانی کرد موچەی فەرمانبەرانی هەرێم خێراتر بنێرێ و کاتەکەی لەگەڵ موچەی کارمەندانی حکومەتی فدڕاڵیی ، یەک بخرێت.

هەروەها هەردوو لا لەبارەی هەڵبژاردنی بەردەم وتووێژیان کرد و تەئکیدیان لەسەر سالمبوونی هەڵبژاردنەکە کردەوە.

بافڵ تاڵەبانی لەبەر بڕیاری گۆڕدرانی ناوی فڕۆکەخانەی سلێمانی بۆ فڕۆکەخانەی جەلال تاڵەبانی ، سوپاسی سودانی کرد و گوتی سەرۆک وەزیرانی عێراق کوڕەشەهیدە هەربۆیەشە بایەخ بە بنەماڵەی شەهیدان دەدات و ئەمەش مایەی پێزانینە.