میھرداد محەمەدی یاریزانی ئێرانیی یانەی ئەلعەرەبی وەک باشترین گۆڵکاری ئاسیایی لیگی ئەستێرەکانی قەتەر ھەڵبژێردرا .

بە پێی ھەواڵێکی رۆژنامەی «استاد الدوحه» ی قەتەر ، مێھرداد محەمەدی بە تۆمارکردنی 10 گۆڵ وەک باشترین گۆڵکاری ئاسیایی لە لیگی ئەستێرەکانی قەتەر ھەڵبژێردرا . محەمەدی ئەم وەرزە لە یانەی ئەلعەرەبی دا بوو و لە 20 یاری لە 22 یاریی ئەم یانەیە ڕۆیشتە مەیدان کە لەمبارەشەوە کەسی یەکەمە . 

دوای محەمەدی ، نام تائە ھی یاریزانی کوریایی السد و مەھەند عەلی یاریزانی عێراقیی السیلیە بە 7 گۆڵ لە ریزەکانی دواتردان . 

«استاد الدوحه»  ھەروەھا محەمەدی وەک یەکێک لە کۆڵەکەکانی یانەی ئەلعەرەبی لەم وەرزەدا ناوبردووە کە بە ئاکاری خۆی وایکردووە بەڕێوەبەرانی یانەکە رازی بە درێژەدانی کار لە گەڵ ئەو بن .