سەرۆکی ڕێکخراوەی پلانڕێژیی پارێزگەی کوردستان،ئامادەین بۆ دروست کردنی مۆزەخانەی تایبەت لە شاری مێژوویی سەقز
سەرۆکی ڕێکخراوی پلاندانانی پارێزگەی کوردستان وتی: چێکرانی مۆزەخانە بۆ شارێکی مێژوویی وەکوو سەقز پێویستە و ئەو ئەو ڕێکخراوە لە چێکرانی مۆزەخانە لەو شارە پاڵپشتی دەکات.
بە پێی ڕاپۆرتی ئاژانسی هەواڵی مێهر، بەهرام نەسروڵڵاهی زادە شەوی شەممە لە کۆنگرەی ڕۆژنامەڤانی دا رایگەیاند: سەقز لانکەی مێژوو، فەرهەنگ و شارستانیەتی کوردستانە و ئەبێ بۆ گەشە و بەرز کردنەوەی پێگەی هەمە لایەنەی ئەو شارە هەوڵ بدرێت.
ناوبراو سەبارەت بە داواکاری بۆ چێکرانی مۆزەخانەی مێژوویی و گەلناسیی لە سەقز و سەرەنج نەدانی میراتی فەرهەنگی بەو باسە، وتی: چێکردنی مۆزەخانە لەو شارە کارێکی زەروورە بۆ نواندنی مێژوو، فەرهەنگی دەوڵەمەند و دابونەریتی خەڵک و ئەبێ لەو بارەوە هەوڵی جیدی بدرێت.
نەسروڵڵاهی زادە گوتیشی: ئێمە وەک ڕێکخراوی پلاندانانی پارێزگا، بەڵێنی دابین کردنی بودجە و پاڵپشتی لە چێکردنی مۆزەخانەی سەقز دەدەین، کەواتە ئەگەر بینایەکی مێژوویی لە سەقز هەیە بۆ دامەزراندنی هەوڵی پێویست بدرێت، ئەگەر پێویست بە زەوین یان بینایەکیش هەیە بودجەی پێویستی بۆ تەرخان دەکرێت.
