پێشمەرگەی ھەولێر لە ئامادەکارییەکانی بۆ وەرزەی نوێی خولی نایابی کوردستان، بەردەوامە و لەسێیەم یاری دۆستانەی خۆیدا میوانداری یانەی عفکی شاری دیوانیەی کرد.

یارییەکە بەسەرکەوتنی پێشمەرگە کۆتایی ھات بە دوو گۆڵ بەرانبەر بە گۆڵێک، گۆڵەکانی پێشمەرگە  لە خولەکەکانی ١٢، ٦٦ لەلایەن  یاریزانان نیعمەت عارف و ڕێکار ھاشم تۆمارکران. 

لەیارییەکەدا یاریزانانی پێشمەرگە بە ئاستێکی بەرز دەرکەوتن چەندان دەرفەتی گۆڵکردنیشیان لەدەستدا.