SAHAR

هەڵبژاردەی والیباڵی ئێران لە دووەم یاریی خۆی دا لە هەفتەی دووەمی لیگی گەڵانی والیباڵی ٢٠٢٢، لەگەڵ ئەمریکا چووە مەیدانەوە و بە ئەنجامێکی درەوشاوە ئەم تیمەی شکست پێهێنا.

هەڵبژاردەی والیباڵی ئێران لە دووەم یاریی خۆیدا لە هەفتەی دووەمی لیگی گەڵانی والیباڵ، لە کاتژمێر 21:30 بە کاتی تاران لە سوفیای پێتەختی بولگاریا لەگەڵ ئەمریکا چووە مەیدانەوە و توانی لە سێ سێتی یەک لە دوای یەکدا شکست بەم تیمە بێنێ.

یاریزانانی تیمی هەڵبژاردەی ئێران سێ سێتی ئەم یارییەیان بە ئیمتیازی ٢٥ بە ١٨، ٢٩ بە ٢٧ و ٢٧ بە ٢٥ خاڵ بە سوودی خۆ تۆمار کرد.

ئەمریکا تا پێش ئەم یارییە تەنیا تیمی بە بێ شکستی لیگی گەلانی والیباڵ بوو.

پیاوانی والیباڵیستی ئێران ئەمڕۆ هەینی لە سێهەمین پێشبڕکێی خۆیاندا لە لیگی گەلانی ٢٠٢٢ لەگەڵ برازیل دەچنە مەیدانەوە.