یەکەم خولی فێستیڤاڵی خەڵاتی قەڵەمی هەژار ئێوارەی پێنجشەممە بە ناساندن و خەڵات کردنی براوەکان و باشترین بەرهەمەکان، لە زانکۆی کوردستان کۆتایی هات.

بە پێی دەنگی دەستەی داوەرانی یەکەم  فێستیڤاڵی خەڵاتی قەڵەمی هەژار لە بەشی ڕۆناندا "کەوتنی ئاسمانەکان" لە نووسینی "جەبار جەماڵ غەریب" لە هەولێرەوە، لە بەشی مێژوودا "بووژانەوەی کورد" لە نوسینی ئیسماعیل شەمس، لە فەلسەفەدا کۆی بەرهەمەکانی "محەممەد کەماڵ" نووسەری خەڵکی کوردستانی عێراق و نیشتەجێی ئۆسترالیا، لە بەشی کلتووری گشتیدا "فه‌رهه‌نگی زاره‌کی موکریان" لە نووسینی "سەلاحەدین پایانیانی" لە مەهابادەوە و لە بەشی جەماوەرناسیشدا کتێبی" فەرهەنگیی هۆز و ئەتنیی شار و گوندەکانی خۆراسانی باکوور" لە نووسینی "عەلی ڕەحمەتی" لە شاری بوجنووردی خۆراسانەوە ولە بواری ڕەخنەی ئەدەبیشدا کتێبی "تەشەیێن نەزمێ" لە نووسینی عەبدوڕەحمان ئاداک هەڵبژێردران.