کاردانەوەی عەرەبستان بەرامبەر بە سوکایەتی کران بە مزگەوتی ئەقسا لەلایەن زایۆنیستەکانەوە
وەزارەتی دەرەوەی عەرەبستان کاردانەوەی بەرامبەر بە سوکایەتی کران بە مزگەوتی ئەقسا لەلایەن زایۆنیستەکانەوە نیشان دا و شەرمەزاری کرد.
بەگوێرەی ڕاپۆرتی هەواڵدەریی تەسنیم، وەزارەتی دەرەوەی عەرەبستان لە بەیاننامەیەکدا وێڕای ئیدانەکردنی هێرشی ئەندامانی کابینەی داگیرکەری ئیسرائیل و ئەندامانی کنێست بە پشتیوانیی سوپای ڕژیم بۆ سەر مزگەوتی ئەقسا، ڕایگەیاند: ڕیاز پشتیوانی لە هەموو هەوڵەکان دەکات بۆ گەییشتن بە ڕێکارێکی دادپەروەرانە و هەمەلایەنە بە مەبەستی چارەسەریی پرسی فەلەستین.
هێرشی داگیرکەرانی زایۆنی بۆ سەر مزگەوتی ئەقسا لە چوارچێوەی هەوڵەکانی ڕژێمی زایۆنی بۆ سەپاندنی پلانی دابەشکردنی قودس لە ڕووی کات و شوێنەوە ئەنجام دەگرێت کە هاوکات لەگەڵ ڕێپێوانی ئاڵادا ڕووی داوە.
وڵاتانی تورکیا، میسر، بەحرەین، ڕێکخراوی هاوکاریی ئیسلامی، پاکستان و ئیمارات، بەیاننامەی جیاجیایان بڵاو کردەوە و تیای دا هێرشی شارۆچکەنشینە زایۆنییەکان بۆ سەر مزگەوتی پیرۆزی ئەقسایان شەرمەزار کرد.