نووسینگەی ڕاگەیاندنی  حکومەتی غەززە ڕایگەیاند کە ڕژێمی زایۆنی تەنیا لە ڕیزەکانی وەرگرتنی ئاودا ١١٢ تاوانی ئەنجام داوە کە بووەتە هۆی شەهید بوونی زیاتر لە ٧٠٠ کەسی مەدەنی

 حکومەتی غەززە داوای لە کۆمەڵگەی نێودەوڵەتی و دامەزراوە مرۆییەکان کرد کە  هەنگاوی بەپەلە هەڵبگرن بەرامبەر بە شەڕی ڕژێمی زایۆنی لەمەڕ تینوو ڕاگرتنی خەڵکی غەززە و دەستڕاگەیشتنی ئەمن و ئازادی دانیشتووانی غەزە  بە ئاوی خواردنەوە  گەرەنتی بکەن. ئیدارەی ئاوی قودسی داگیرکراو ڕایگەیاند کە شەوی ڕابردوو کۆمەڵێک لە دانیشتوانی زایۆنیستی هێرشیان کردە سەر بیرەکانی ناوچەی عەین سامیە لە نزیکی گوندی کەفەر مالیک لە پارێزگای ڕامەڵڵا کە سەرچاوەی دابینی  ئاوی گوند و شارۆچکەکانی ڕۆژهەڵاتی ڕامەڵڵایە و زیانێکی زۆریان پێگەیشتووە. لە لایەکی دیکەوە زایۆنیستە توندڕەوەکان هێرشیان کردە سەر ئەو بارهەڵگرانەی کە یارمەتییە مرۆییەکانیان لە ئوردنەوە بەرەو غەززە دەگواستەوە لە نزیک شاری ئاراد لە نەقەبی داگیرکراو و ڕێگاکەیان پێی گرت و بەریان گرت بە  درێژەی  چوونیان  بۆ غەززە .