موسکۆ خولی ئەم دواییەی وتووێژەکانی سووریا لە ژێنێڤی بە نیشانەی کارا بوونی دانیشتنەکەی ئاستانە کازاخستان بۆ کەم کردنەوەی توند و تیژیەکان لە سووریا هەڵسەنگاند .

هەواڵدەریی  ئیتارتاس لە موسکوەوە  " سێرگێیی ڕیابکوف  " جێگری وەزیری دەرەوەی ڕووسیا ڕۆژی دووشەمە وتی : خولی ئەم دواییەی  وتوێژەکانی  سوریا لە ژێنێڤ  لە ڕاستیدا بە ئاکام گەیشتنی هەوڵگەلێکی  سەلماند کە لە دانیشتنەکانی  ئاستانە کازاخستان بە ئامانجی کەم کردنەوەی توند و تیژیەکان لە سووریا   ئەنجام درا . ڕیابکوف   وتیشی  خولی شەشەمی  وتووێژەکانی  سووریا سەلماندی کە لە ڕاستیدا هیچ گومانێک سەبارەت بە کارامە بوونی   ڕەوتی وتووێژەکانی ئاستانە و  ئاکامەکەی لە ئارادا نیە . جێگری وەزیری دەرەوەی  ڕوسیا وتیشی  هیچ کێشەیەک لە پەیوەندی لە گەڵ جێ بە جێ کرانی   ڕێککەوتنەکان کە لە دانیشتنی  ئەم دواییەی  ئاستانە واژۆ کراوە نیە .

چوارەمین خولی  وتووێژەکانی  سووریا  ڕۆژانی  سێهەم و چوارەمی  مانگی مای لە شاری ئاستانە ی پێتەخیت  کازاخستان بەڕێوە چوو  و لەودا نوێنەرانی  ئێران  ڕووسیا  سووریا  و تورکیا  بەڵگەی چوار  ناوچەی کەم کردنەوەی بارگرژی لە سووریایان   واژو کرد .   بە دوای  ئەوە  خولی  شەشەمی  وتووێژەکانی  ئاشتی  سووریا   لە ژێنێڤ  هەفتەی  ڕابردوو  بە مەبەستی  دۆزینەوەی  ڕێگاچارەیەک بۆ کۆتایی دان  بە قەیرانی  شەش ساڵەی  ئەو وڵاتە  بەڕێوە چوو .