سوپای سوریا لەبەیاننامەیەک ڕایگەیاند : لە ئۆپراسیۆنی بەشی ڕۆژهەڵاتی پارێزگەی حەڵەب بە دژی تاقمە تیرۆریستییەکان، نزیکەی سێ هەزار تیرۆریستی داعش کوژراون و یان بریندار بوونە.

بەپێی ڕاپۆرتی ڕۆژی پێنج شەممەی هەواڵدەریی سانا، سوپای سوریا هەروەها وتیشی : دوابەدوای تێکهەڵچوون لەگەڵ تاقمی تیرۆریستیی داعش لە پارێزگەی حەڵەب لە باکووری سوریا زۆرتر لە بیست و هەشت گوند و شار کەوتنە دەستی هێزەکانی سوریا.

سوپای سوریا هەروەها ڕۆژی چوارشەممە  باسی  کۆنترۆڵ کردنەوەی بنکەی  ئاسمانیی جەراحی کرد لە ڕۆژهەڵاتی  حەڵەب .

هەروەها چەند سەرکردەی  تاقمی تیرۆریستیی داعش کە هاوڵاتی ئێراقی، توونسی، سەعودی و میسرین، لە نوێترین  تێکهەڵچوونەکان لە پارێزگەی حەڵەب  کوژراون  .

سوپای سوریا بەنیازی  سەندنەوەی بەشگەلێکی پارێزگەی حەڵەبە کە لە دیسەمبەری  ساڵی دووهەزارو شازدە و سەرەتای  ساڵی 2017 ئۆپراسیونی خۆی بەدژی  تاقمەکانی تیرۆریستی لەم پارێزگەیە دەست پێکردووە.

هەرلەم حاڵەدا هەواڵەکان لە سوریا  دەڵێن: لانیکەم  هەژدە  کەسی سیڤیل لە پەلاماری فڕۆکەجەنگییەکانی ئەمریکی بۆ سەر ڕوژاوای پارێزگەی رەققە لە باکووری سوریا کوژراون.

ناوەندی ناسراو بە چاوەدێریی مافی مرۆڤی سوریا ڕۆژی سێ شەممە ڕایگەیاند بوو: لە پەلاماری ئاسمانیی هاوپەیمانیی ئەمریکی بەدژی داعش لە سوریا و ئێراق لە بیست وسێیەمی ئاڤریل هەتا 23ی مانگی مەی، 225 کەسی سیڤیل  کوژراون.

هاوپەیمانیی ئەمریکایی دژە داعش  لە ئووتی ساڵی 2014 پەلامارەکانی خۆیان بۆسەر سوریا دەست پێکردووە ، لەم پەلامارانەدا هەمووکات خەڵکی بێ تاوان پێوە دەبن .