کۆنفڕانسی یارمەتی دان بە لوبنان لە پاریس
فەڕەنسە بە ئامانجی کۆکردنەوەی یارمەتیی دراڤیی بۆ لوبنان ، کۆنفڕانسی نێودوەڵەتیی لە پاریسی دەستپێکرد .
بەپێی راپۆرتی ئاسۆشێتد پرێس ، ژان ئیڤ لۆدریان ، وەزیری دەرەوەی فەڕەنسە رۆژی هەینی لە دەسپێکی کۆنفڕانسەکەدا گوتی چوار سەد ملوێن یۆرۆ بۆ لوبنان وەک قەرز و 150 ملوێن یۆرۆ وەک هاوکاری تەرخان دراوە .
لۆدریان وتیشی لوبنان پێوستیی بە وەبەرهێنانی گرنگ هەیە بۆ بنیاتنەوەی ژێرخانەکانی وپیێوسیتیی بە چاکسازیی ژێرخانیی بەرفراوان و گرنگ هەیە .
سەعد حەریری سەرۆک وەزیرانی لوبنان لەم کۆنفرانسەدا گوتی : بانکی جیهانیی زیانی بەرهەمهێنانی ناپوختەی نێوخۆ لە لوبنان بە هۆی شەڕی سوریای هەژدە ملیار دۆڵار تا ساڵی 2015 مەزندە کردووە .
سەرۆک وەزیرانی لوبنان گوتیشی : هەژاری و بێکاری بە شێوەی بەرفراوان زیادی کردووە و هەناردەی لوبنان کەمی کردووە و قەرزەکانی لوبنان لەبەر بوونی زیاتر لە یەک ملوێن ئاوارە گەیشتووەتە زیاتر لە شەش ملیار دۆڵار .
حەریری جەختی کردەوە : لوبنان پێوستیی بە پشتیوانیی نێودەوڵەتیی هەیە . بە مسۆگەربوونی گەشەی ئابووریی وڵات ، شایەتی پیتەوبوونی سەقامی لوبنانیش دەبین .
کۆنفڕانسی نێودەوڵەتیی پاریس بە ئامانجی کۆکردنەوەی یارمەتیی دارایی بۆ لوبنان بە ئامادەبوونی چل و یەک نوێنەر لە وڵاتانی جیاجیا و رێکخراوە نێودەوڵەتیەکان لە گەڵ نوێنەرانی کەرتی تایبەتی دەسپتێبووە .
