وەزیری دەرەوەی کۆماری ئیسلامی ئێران وتی : سووریا خەریکی پاکتاو کرانی بە تەواوی تڕوڕیزمە لەو وڵاتە و باقی تڕۆڕیستان بۆ وێنە بەرەی نوسرە دەبێ لە ئێدلەب بڕۆنە دەر .

 بە گوێرەی ڕاپۆڕتی  ئیرنا موحەمەد جەواد زەریف ڕۆژی دوشەمە  لە سەرەتای  چوونی بۆ ناو فڕگەی  نێونەتەوەیی  دیمەشق لە وتووێژ لە گەڵ  پەیامنێران  وتیشی : دوای سەرکەوتنە باشەکانی بەرەی خۆڕاگری دژی تاقمە توندڕو  و تڕوڕیزمەکان لە سووریا  ، کاتی بنیاتنانەوەی  ئەو وڵاتە گەیشتووە  و وڵاتانی یەکگرتووی ئیستراتژیکی سووریا لەوێدا بەشدارن . وەزیری دەرەوەی  ئێران وەبیریشی هێنایەوە کە دەبێ سەروەری خاکی سووریا بپارێزرێت و هەموو هۆزەکان و گرووپەکان لەو وڵاتە  ژێر  ئاڵای سووریا  ڕەوتی بنیاتنانەوە دەس پێی بکەن . زەریف وتیشی : لە دانیشتنی تاران کە ڕۆژی هەینی  7 دیسامبر بە بەشداری سەرۆک کۆمارانی  سێ وڵاتی گەرەنتیدەری ڕێککەوتنەکانی ئاستانە  بەڕێوە دەچێت سەبارەت بە چلونایەتی  هەڵس و کەوت لە گەڵ  بە جێ ماوانی  تاقمە تڕوڕیستەکان بە تایبەت  بەرەی نوسرە لە ناوچەی ئێدلب بیروڕا گۆڕینە وە دەکرێت .  ناوبراو هەروەها  بە وتنی ئەوەی کە  لە دانیشتنی تاران  هاوئاهەنگی بۆ درێژەی  ڕەوتی سیاسی  ئاستانە و   بەرەنگاربوونەوەی  تڕوڕیستان لە سووریا لێک ئەدرێتەوە  وتی : ڕاگەیشتن بە کاروباری مرۆیی و گەڕانەوەی ئاوارە سووریاییەکان بۆ وڵاتەکەیان دەسپێکراوە و وڵاتانی دراوسێ  ڕۆڵێکی گرینگ لەو بوارەدا دەگێڕن . زەریف ئەمڕۆ دووشەمە گەیشتە دیمەشقی پێتەختی سووریا . وەزیری دەرەوەی ئێران دوای پێشوازی فەرمی  لە لایەن  فەیسەڵ مێقداد  جێگری وەزیری  دەرەوەی سووریا  بە مەبەستی زیارەتی گڵکۆی پاکی حەزرەتی زەینەب -س- گەیشتە ناوچەی زەینەبیە  لە دەڤەری دیمەشق .