لە بەیرووت: ئیسماعیل هەنیە و سەید حەسەن نەسروڵڵا دیداریان کرد
سەرۆکی مەکتەب سیاسیی بزووتنەوەی خۆڕاگریی ئیسلامیی فەلەستین(حەماس) کە لە بەیرووتە لەگەڵ ئەمینداری گشتی حزبوڵڵای لوبنان دیدار و گفتوگۆی کرد.
بە پێی ئەننەشرە، ساڵح عاروری جێگری سەرۆکی مەکتەب سیاسی حەماس و ئەندامانی لێژنەی ئەو بزووتنەوە لە سەفەر بۆ لوبنان، لە دیدار لەگەڵ ئەمینداری گشتیی حزبوڵڵا ئامادە بوون .
دوولایەنەکە لەو دیدارەدا سەبارەت بە دوایین گۆڕانکارییە سیاسی و سەربازییەکانی ناوچەکە بە تایبەتی گۆڕانکارییەکانی فەلەستین و لوبنان باس و گفتوگۆیان کرد.
هەنیە و سەید حەسەن نەسروڵڵا هەروەها سەبارەت بە کێشە و مەترسییەکانی بەردەم پرسی فەلەستین لەوان گەڵاڵەی ناسراو بە دانوستانی سەدە گفتوگۆیان کرد.
هەروەها دوو لایەن لە بارەی پڕۆژی نوێی هەندێک لە وڵاتانی عەرەبی بۆ ئاسایی کردنەوەی پێوەندی لەگەڵ ئیسرائیل و هەروەها بەرپرسیارێتی ئۆمەتی ئیسلامی بەرامبەر ئەو پڕۆژە گفتوگۆیان کرد.
لەو دیدارەدا، هەنیە و سەید حەسەن نەسروڵڵا لەسەر هێز و گەورەیی بەرەی بەرخۆدان لە بەرەوڕوو بوونەوەی گوشار و هەڕەشەکان جەختیان کرد.
