سەرنووسەری ڕۆژنامەی «ئەلڕەئیۆلیەوم» ڕایگەیاندووە: بنیامین ناتانیاھۆ سەرۆک وەزیرانی ڕژێمی زایونی داوای لە میسر کردووە کە بۆ دامەزرانی داگربڕ لە غەززە ناوبژیوانی بکات.

«عەبدولباری عەتوان» سەرلەبەیانیی ڕۆژی چوارشەممە لە وتووێژێکدا لەگەڵ کەناڵی ھەواڵیی «مەیادین» وتیشی: تاقمە خۆڕاگرەکان ناوبژیوانیی میسریان ڕەت کردووەتەوەو لە سەر ئامادە بوونیان بۆ بەردەوام کردنی خەباتی دژی ڕژێمی زایونی جەختیان کردووە.

پێکدادان لە سنووری غەززە لە گەڵ فەلەستینی داگیرکراو دوابەدوای ھەنگاوەکانی ئەم دواییەی ڕژێمی زایونی دژی مزگەوتی ئەقسا و قودسی پیرۆز پەرەی سەندووە.

تاقمە خۆڕاگرەکانی فەلەستین بەرلەمە لە کاردانەوەیەک دا بەرامبەر بە دەست درێژکاریەکانی ڕژێمی زایونی دژی مزگەوتی ئەقسا و قودس باسی زنجیرە ھەڵمەتێکیان بە ناوی «سەیفۆلقودس کرد بوو».