ئەمینداری گشتیی بزووتنەوەی جیهادی ئیسلامی فەلەستین ڕایگەیاند: ئەگەر ئیسرائیل ڕوو بکاتە تیرۆری ڕێبەرانی خۆڕاگریی، تەلەڤیڤ مووشەک باران دەکەین.

بە  پێی ڕاپۆرتی ئاژانسی هەواڵی مێهر  بە گێڕانەوە لە قودسی عەرەبی، زیاد نەخالە ئەمینداری گشتیی بزووتنەوەی جیهادی ئیسلامی فەلەستین لە لێدوانێکدا لە شاری غەززە بە بۆنەی سەرکەوتنی ئەم دواییەی بەرخۆدان لە شەڕی 12 ڕۆژەی غەززە، جەختی کرد: هەر کات ئیسرائیل ڕوو بکاتە تیرۆری ڕێبەرانی بەرخۆدانی فەلەستین، تەلەڤیڤ دەدەینە بەر هێرشی مووشەکی.

نەخالە وتی کە جیهادی ئیسلامی درێژە دەداتە بەرخۆدان لە بەرانبەر ڕژێمی داگیرکەر و تا دەرکردنی داگیرکەران لەو خاکە، بە هیچ لەونێک دەست لە شەڕ هەڵناگرین.

ناوبراو وتیشی کە یەکگرتوویی نەتەوە و خۆڕاگریی فەلەستین گرینگترین ڕێگا بۆ وەرگرتنەوەی مافی گەلی فەلەستینە و مادامێک کە داگیرکرانی فەلەستین درێژەی هەبێت، ناوچەکە و جیهان ڕەنگی ئاشتی و سەقامگیری بەخۆوە نابینێت.