کشانەوەی ھێزو کەرەستەو تفاقی سەربازیی عەرەبستان لە عەدەنی یەمەن
تشرینی دووه‌م 10, 2021 08:35 Asia/Tehran
سەرچاوەیەک لە عەدەن ڕایگەیاند: کەرەستەو تفاقی سەربازی و کۆمەڵێکی زۆر لە ھێزەکانی سەعودی لە ڕێگای کەشتی و فڕۆکەی بارھەڵگرەوە لە عەدەن کشانەوە.
بە پێی ڕاپۆرتی ھەواڵدەریی سپۆتنیک، ھێزەکانی سەعودیی سەقامگرتووی ئوردوگای سەرکردایەتیی ھێزە ھاوپەیمانە دەست درێژکارەکانی سەعودی_ئیماراتی لە ناوچەی «شەعب» لە ڕۆژ ئاوای عەدەن ڕۆژی سێ شەممە جەنگ ئامێر، ترۆمبیلی زرێدارو کەرەستەو تفاقی خۆیانیان لەم ناوچەیە بردە دەرەوە.
سەرچاوەیەک لە عەدەن دا وتی: ئەم کەرەستەو تفاقە سەربازییە بە کەشتییەک بە ناوی «دەرە جەددە» لە بەندەری «ئەلزەیت»ەوە لەو پەڕی تەگبیری ئاسایشتی و پاراستن دا عەدەنی بە جێ ھێڵا.
ئەم سەرچاوەیە جەختی لەوەش کردەوە کە، ھاوکات فڕۆکەیەکی بارھەڵگری سەعودیش بۆ گواستنەوەی کەرەستە سەربازان ھاتووەتە نێو فڕگەی شاری عەدەنەوە.
