وەزیری دارایی پێشووی ڕژێمی زایۆنی، کابینەی نوێی بنیامین ناتانیاهۆی بە خاڵی کۆتایی زایۆنیزم ناوبرد.

کابینەی نوێی بنیامین ناتانیاهۆ پێنجشەممەی ڕابردوو بە فەرمی دەستیپێکرد. بوونی ئەندامانی توندڕەو و ڕەگەزپەرست لەم کابینەیەدا بووە هۆی ئەوەی کە کەسایەتییە جیاوازەکانی ئیسرائیل هۆشداری بدەن لە دەرئەنجامەکانی وەها کابینەیەک و ڕابگەیەنن کە ئیسرائیل لەگەڵ ناتانیاهۆ بەرەو ڕووخان هەنگاو دەنێت.

بە پێی ڕاپۆرتی هەواڵدەریی فارس، «ئەڤیگدۆر لیبرمەن»، وەزیری پێشووی دارایی و سەرۆکی پارتی «ئیسڕائیل بەیتنو» ڕۆژی دووشەممە لە کۆبوونەوەی فراکسیۆنی کنێست، کابینەی نوێی بنیامین ناتانیاهۆی بە "کۆتایی زایۆنیزم" ناوبرد.

ناوبراو لە وتارە توندەکانی دژ بە کابینەی ناتانیاهۆ وتیشی: دامەزراندنی حکومەتی شەشەمی ناتانیاهۆ کۆتایی دەوڵەتی ئیسرائیل نییە، کۆتایی زایۆنیزمە.