ڕۆژی قودسی ئەمساڵ لەبەرژینوسایدی خەڵکی فەلەستین لە غەزە، زۆر گرینگە
ڕاوێژکاری لیژنەی باڵای سیاسی یەمەن ڕایگەیاند کە ڕۆژی جیهانی قودس لەئاستی جیهانی دا ڕوداوێکی زۆر گرینگە لەپێناو بەرگری لە فەلەستین.
"محمد مفتاح" لەمیانەی وتووێژێکی تایبەت لەگەڵ هەواڵدەری ئێران پرێس لە سەنعا سەبارەت بە گرینگی ڕیوڕەسم و ڕێپێوانی ڕۆژی جیهانی قودس بە ڕاشکاوی ڕایگەیاند کە ئەو ڕێوڕەسمە ئەمساڵ لەبەر کۆمەلکوژکرانەکەی خەڵکی فەلەستین لە کەرتی غەزە دووهێندە گرینگترە.
ڕاوێژکاری لیژنەی باڵای سیاسی یەمەن، پێداگری کرد کە ڕۆژی جیهانی قودسی ئەمساڵ لەبەراورد لەگەڵ ساڵانی پێشوو جیاوازە، چونکە ئەمساڵ خەڵکی جیهان شاهیدحاڵی دڕندەکاریەکی سامناک و پێناسەهەڵنەگر بوو بەرامبەر بە مافی خەڵکی فەلەستین لە کەرتی غەزە.
"محمد مفتاح" وێڕای شەرمەزارکردنی دڕةدەکاریەکانی ڕژیمی زایۆنیست ڕایگەیاند کە خەڵکی فەلەستینی نیشتەجێی کەرتی غەزە بەهۆی قەڵاچۆ دڕندانەکەیان و تەیارترین چەکەکانیان و برسیەتی و بێ دەواو دەرمانی ڕوبەڕوون.
