وتەبێژی وەزارەتی تەندروستیی یەمەن ژماری قوربانییانی دەستدرێژی ئەمریکا بۆ سەر سەنعا و پارێزگاکانی دیکەی یەمەن لە ناوەڕاستی مانگی مارسەوە تا ئێستا بە ٦١ شەهید و ١٣٩ بریندار ڕاگەیاند.

ئەنیس ئەلئەسبەحی وتەبێژی وەزارەتی تەندروستیی یەمەن وتی: لە دەستپێکی ئۆپەراسیۆنی پاڵپشتی یەمەنییەکان لە غەززە تا ئێستا، دەسترێژیی سێ لایەنەی ئەمریکی، بەریتانی، ئیسراییلی بۆ سەر یەمەن بووەتە هۆی شەهید و برینداربوونی ٩٦٤ کەسی مەدەنی کە لە نێویاندا ٢٥٠ شەهید دەبیندرێ. عەبدولمەلیک ئەلحوسی ڕێبەری ئەنساروڵڵای یەمەن ٢٨ی مارسیش بە بۆنەی ڕۆژی جیهانی قودس جەختی کرد کە ئەم دەسدرێژکارییانە کاریگەری دانانێنە سەر هەڵمەتە سەربازییەکانی یەمەن لە دەریا یان لەسەر هێرشە مووشەکییەکانمان بۆ سەر ڕژێمی زایۆنی، و هەڵوێستی خەڵکی یەمەن هەڵوێستێکی پاوەجێ و نەگۆڕە.