کۆمکاری عەرەب بەتوندی نەیارەتی خۆی بەرامبەر گەڵاڵەی نوێی ڕژێمی زایۆنیستی بۆ دانانی ئوردوگایەکی گەورە لە باشووری کەرتی غەززە بۆ فەلەستینیەکان دەربڕی و ڕەتی کردەوە.

کۆمکاری عەرەب  کاردانەوەی نیشان دا بەرامبەر پلان و بەرنامەی ڕژێمی زایۆنیستی بۆ گەمارۆدرانی فەلەستینییەکان لە باشووری غەززە.

ئەم یەکێتییە لە بەیاننامەیەک   گەڵاڵەی ڕژێمی زایۆنیستی بۆ کۆکردنەوەی فەلەستینییەکان و نیشتەجێکردنیان لە ئوردوگایەکی بچووک لەبا شووری غەززەی بە توندی ئیدانە کرد و ڕایگەیاند: ئەو شارەی کە داگیرکەران  وەک  شاری مرۆڤدۆستانە ناوی لێ دەبەن ، هیچ پێوەندییەکی لەگەڵ مرۆڤایەتی و مەدەنییەت نییە و بەتەواوی ڕەت دەکرێتەوە.

لە بەیانامەکەی یەکێتیی عەرەب  ڕاگەیەندراوە، ئەم گەڵاڵەیە نیشاندەری ئەوپەڕی پاوانخوازی داگیرکەران و دەرکەوتنی نیازی ئەوان بۆ گەڵاڵەی پاکتاو کردنی ڕەگەزی  و داگیرکردنی دیسانەوەی غەززە و ئامادە بوونیان بۆ شارۆچکە سازی زایۆنیستییە.

یەکێتیی عەرەب داوای  لە کۆمەڵگەی جیهانی کرد بە هەموو هێزەوە بەرەنگاری ئەم چەشنە گەڵاڵە نامرۆییە زایۆنیستیانە بێته وه.